Zura, OC eta OR zikloetako CIFP Eraiken ikasleek berriz ere lankidetzan jardun dute CIFP Mendizabalarekin proiektu praktiko batean. Iaz, itsas edukiontzi bat bizikleta-tailerrera bihurtu zuten, eta oraingoan, kamioi batetik abiatuta Food Truck bat eraiki dute. Eraikeneko ikasleek lurzoruaren eta kanpoko margoketaren ardura izan dute, besteak beste, isolamendu termikoa, DM taularen instalazioa, viniloaren aplikazioa eta erretxinazko akabera egin dituzte. Kamioia Mendizabalaren korporazio urdinez margotu dute, eta gaur egun haren instalazioetan dago azken egokitzapen lanekin jarraitzeko. Horrelako proiektuek ikasketa praktikoa sendotzeaz gain, […]
Ingeles multilingue proba ekainaren 6an egingo da, 10:00etan. eskerrik asko.
Groningengo Alfa College-ko ikasle eta irakasleen bisita Eraiken-en Aste honetan, Groningengo (Herbehereak) Alfa College-ko ikasle eta irakasle talde bat izan dugu Eraiken-en bisitan. Bisitaldian, bi ikastetxeetako ikasleek elkarbanatu dituzte euren proiektuak, ideiak eta esperientziak trukatzeko aukera baliotsua eskainiz. Era berean, Herbeheretako ikasleek gure instalazioak eta tailerrak ezagutzeko aukera izan dute, eta interes handia erakutsi dute gure heziketa zikloekiko. Esperientzia aberasgarria eta emankorra izan da guztiontzat, eta etorkizunean lankidetza hau sendotzen jarraitzea espero dugu.
Heziketa-zikloak goizez dira, C graduak izan ezik, horiek arratsaldez baitira.
BIZAN Ariznabarra Energia Komunitateen inguruan bere dibulgazio eta kontzientziazio lanarekin jarraituz, energia berriztagarriei buruzko ezagutza zabaltzeko gurera etorri dira.
Otsailaren 13an, osteguna, Eibarko Ikasenpresa Azokaren XIV. edizioa ospatu zen. Bertan, LHko 2.000 ikasle baino gehiago bildu ziren, eta 400 ikasenpresa-proiektu inguru aurkeztu zituzten, ekintzailetza sustatzeko eta gazteen sormena bultzatzeko helburuarekin. ERAIKENek ere parte hartu zuen azokan, eta honako ikasenpresak izan ziren ordezkari: TELANOVA, ECOLIFT, GIOIELLI IN GESSO, M.A.B.A.N eta Carpintería GARRO. Eraikuntza, obrak eta zuraren GM zikloetako ikasleek beren proiektuak aurkeztu zituzten, besteak beste: bayetaz egindako eta zementuz estalitako pitxerrak, eraikuntzako material birziklatuz egindako mankuernak, igeltsuzko eta metalezko artisau-bitxigintza […]
Eraikuntza eta obra zibileko eta egurreko departamentuetako gure irakasleetako batzuk Belgikako Leuven hirian daude nazioarteko proiektuak garatzeko ikastaro batean parte hartzen. Hiru egunez arituko dira bertan lanean, Europako hezkuntza-esparruan lankidetza sustatzeko eta esperientziak partekatzeko. Halako ekimenek garrantzi handia dute gure hezkuntza-komunitatearentzat, irakasleek beste herrialde batzuetako metodologiak ezagutzeko eta esperientziak partekatzeko aukera dutelako. Horrek, etorkizunean, gure ikasleen prestakuntza hobetzen lagunduko du, ikuspegi globalago bat eskainiz eta nazioarteko harremanak sendotuz.
Azaroaren 26an eta 27an Arabako LHko enplegagarritasunari buruzko jardunaldiak egin ziren. Asteartean, hilak 26, zehazki, Arabako Lanbide Heziketako ikasleei zuzenduta egon zen, eta ERAIKENek 2IF2 eta 2OC3ko ikasleak eta Enrique irakaslea bertaratu ziren. Hainbat «Enplegagarritasunerako tailerrak» landu ziren (enplegua bilatzea, marka pertsonala, talentua, Ampea Teach…), eta LHko ikasleen eta profesionalen testigantzekin osatutako mahai-inguru batekin amaitu zen saioa. Asteazkenean, hilak 27, «Enplegu Azoka» izan zen, LHko tituludunen eta Arabako enpresen arteko 15 minutuko elkarrizketekin.
Arrisku profesionalen prebentziorako goi-mailako teknikariak ikasleek OSALAN Laneko segurtasunerako erakundea eta Euskadiko Larrialdiak Koordinatzeko zentroa bisitatu dute gaur.